Tirkî  |  Erebî

Piştî Te Serokê Min

 

Bihara rengîn bar kir!...

Zivistanê da der,

bager û babelîsok

bûne serdest...

 

Heyv winda bû

stêrk bûne radestê bo ewran.

Û asîman bû perdeyek reş

li ser serê min!...

jixwe demjimêr bû kîsok!...

 

 

Çima gelo?

Ma ev çarenûs e?

Yan, bêbextiya bê wijdan e!?...

Ev bazirganî ye...

bazirganî...

Bazirganiya jiyanfiroşan e!

Naxwazin kanî biherike

ji dilê şaristaniyê!...

Lê,

piştî te jiyan dojeh e!

lê bi ramanên te

ji nû ve ezê jiyanê bigirim.

Kategori: Helbest