Erê heval

 

Jiyan carna bi naze

Carna jî hejdehare

Carne tu dikenî ez digrîm

Carna ez dikenim tu digrî

Min kir û nekir

Navê qederê nasnekir

Bi qasî misqalekê

Bi qasî xunavekê...

Lê min nedît kenek

Di wê ferhenga bêbext de

Sînorê me her penabertî bû

Erê dost...

Emê loma nekin Ji tu kesî

Ne ji xwedayê windayî

Ne ji evdên belengaz

Emê qederê tewanbar nekin

Ne li erdê ne li azman

Tu li min digeriyayî

Lê ez...

Di nava penç û destara

Şevek tarî de dihatim girtin

Dinalîm

Bi tenê, bê te

Min xwest bibim

Bihnek

Melodiyek

Tovek ji hêviyê

Li gelemperiyê

Dilsoziya te biçînim

Min xwest bibim biharek

li ser xaka dilê teyî beyar

Min xwest bibim havînek

da ku cefaya

bi bijangê çevê te ve

bûye zemherî bihelînim

Min xwest bibim payîzek

da ku bibim bablîsokek

tenê navê te bikolim li ser dilê xwe

Min xwest bibim zivistanek

Da ku rojek were

Bibim lîlav û

ji hinavê te biherikim

bihelim giyan...

Ji pênûsa gerîla

• Önceki
• Sonraki