Evîn Serhed

Çirûska asoyan

Berbanga siberoja me

Eşqa rêhevalên me

 

Cardin xemiliye berfînek birengên spî û sor

Bi rengên aştî û tekoşînên bi dilşewat

 

Cardin xemiliye bi eşqa gelan û mirovên azad

Cardin xemiliye bi biharên bibaran

Û hinek şil

Bilind bûye gulberfîna welatê me

Bilind bûye bi ala Kurdistanê

Dilerize dil

Li şûna me kî/kê wê çawa bide dayînên me

Di watê de zorahî heye…

 

Cardin xemiliye bi neqşên Diljînan

Bi bêhna gulên bi silav

 

Dengên berfînan çiya hildaye

Zarok di îsyanan de ne

 

Dayîk di lorînên melodiyan de

Bav di bilindbûna ala

Gul di berfîna welatê me de ne

 

Cîhan mînak digrin bi şoreşgertiya narîncoka berfînan

Dijmin şaş maye bi dengên kilêşên me

 

Ax qelişiye ji şerma me

Çiya berxwe dide

Da ku bişopînin şopên me

Xemiliye gulberfîna welatê me

Ji bo bîranîna rêheval Berfîn Roza…

Kategori: Helbest